1
0
• K–12, UG અને PG થી લઈને એન્જિનિયરિંગ, મેડિકલ અને મેનેજમેન્ટ જેવા વિવિધ વ્યાવસાયિક અભ્યાસક્રમો માટે હવે ‘ઇન્ડિયાએડ’ દ્વારા ૪૮ કલાકમાં મળશે સંપૂર્ણ પેપરલેસ અને ડિજિટલ લોન !!
Ahmedabad, 18 મે, 2026:* ભારતની અગ્રણી શિક્ષણ-કેન્દ્રિત NBFC, ઓક્સિલો ફિનસર્વ એ દેશભરની માન્યતા પ્રાપ્ત શાળાઓ અને કોલેજોને સીધી ફી ચુકવણીની સુવિધા આપવા માટે તેના ડોમેસ્ટિક એજ્યુકેશન લોન વર્ટિકલ ‘ઇન્ડિયાએડ’ (IndiaEd) ના વિસ્તરણની જાહેરાત કરી છે. આ કાર્યક્રમ હેઠળ K-12 થી લઈને એન્જિનિયરિંગ, મેડિકલ અને મેનેજમેન્ટ જેવા સ્નાતક તથા અનુસ્નાતક અભ્યાસક્રમોને આવરી લેવામાં આવ્યા છે. કંપનીના જણાવ્યા અનુસાર, લોનની તમામ અરજીઓ સંપૂર્ણપણે ડિજિટલ રીતે પ્રોસેસ કરવામાં આવશે અને મંજૂર થયેલી રકમ ૪૮ કલાકની અંદર સીધી શૈક્ષણિક સંસ્થાના ખાતામાં જમા કરવામાં આવશે.
રિસર્ચ આધારીત અહેવાલો મુજબ, ભારતમાં શિક્ષણ ખર્ચ વાર્ષિક અંદાજે ૧૦-૧૨% ના દરે વધી રહ્યો છે, જે સામાન્ય ગ્રાહક ભાવ ફુગાવા (consumer price inflation) કરતા પણ નોંધપાત્ર રીતે વધુ છે. આ વધારો મધ્યમવર્ગીય પરિવારો પર નાણાકીય બોજ સતત વધારી રહ્યો છે. બીજી તરફ, શૈક્ષણિક સંસ્થાઓ માટે તેમની કામગીરીને કાર્યક્ષમ રાખવા, સમયસર પગાર ચૂકવવા અને આયોજિત વિકાસ કાર્યો માટે ભંડોળ એકત્ર કરવાના હેતુથી સમયસર ફી વસૂલાત અત્યંત અનિવાર્ય બની ગઈ છે.
ઓક્સિલો ખાતે IndiaEd ના CBO, આનંદ સુબ્રમણ્યમે જણાવ્યું કે, ‘શાળાઓ અને કોલેજો મુખ્યત્વે તેમની ફીની આવક પર નિર્ભર હોય છે, જે તેમના માટે આવકનો પ્રાથમિક સ્ત્રોત છે. ફી વસૂલાતમાં વિલંબ થવાથી સંસ્થાઓના પગાર ચક્ર (Salary Cycle) પર વિપરીત અસર પડે છે, જેના કારણે માળખાગત રોકાણો અટકી જાય છે અને શૈક્ષણિક આયોજનમાં અવરોધ ઊભો થાય છે.’
મુખ્ય હાઇલાઇટ્સ:
• છેલ્લા બાર વર્ષમાં શિક્ષણ પરના ઘરગથ્થુ ખર્ચમાં ૪.૬ ગણો તોતિંગ વધારો નોંધાયો છે. નાણાકીય વર્ષ ૨૦૧૨માં જે ખર્ચ ₹૧.૮ લાખ કરોડ હતો, તે નાણાકીય વર્ષ ૨૦૨૪માં વધીને ₹૮.૪૩ લાખ કરોડ પર પહોંચ્યો છે.
• ભારતમાં દર આઠમાંથી એક નોંધાયેલ વિદ્યાર્થી પોતાનો અભ્યાસક્રમ પૂર્ણ કર્યા પહેલા જ અભ્યાસ છોડી દે છે. ચિંતાજનક બાબત એ છે કે, કુલ ડ્રોપ-આઉટ વિદ્યાર્થીઓમાંથી ૬૨ ટકાથી વધુ વિદ્યાર્થીઓ શાળા સ્તરે જ અભ્યાસ પડતો મૂકે છે.
• NSO ના ૭૫મા રાઉન્ડના સર્વેક્ષણ મુજબ, અભ્યાસ છોડી દેનારા કુલ વિદ્યાર્થીઓ પૈકી ૨૪.૩% પુરુષો અને ૧૭.૭% સ્ત્રીઓએ આર્થિક મુશ્કેલીઓને શિક્ષણ છોડવાનું મુખ્ય કારણ ગણાવ્યું છે. ભારતમાં ગ્રોસ એનરોલમેન્ટ રેશિયો (GER) સેકન્ડરી (માધ્યમિક) સ્તરે ૭૭.૪% છે, જે હાયર સેકન્ડરી (ઉચ્ચતર માધ્યમિક) સ્તરે ઘટીને ૫૬.૨% થઈ જાય છે.
આ આંકડા દર્શાવે છે કે ઉચ્ચ શિક્ષણ સુધી પહોંચતા વિદ્યાર્થીઓની સંખ્યામાં મોટો ઘટાડો થાય છે, જેની પાછળ નાણાકીય કારણો મહત્વનો ભાગ ભજવે છે.
ઓક્સિલોનું ‘ઇન્ડિયાએડ’ (IndiaEd) મોડેલ પરિવારો અને શૈક્ષણિક સંસ્થાઓ બંને માટે એક સચોટ ઉકેલ પૂરો પાડે છે. આ મોડેલ હેઠળ, વાલીઓ તેમની અનુકૂળતા મુજબ લોનની મુદત પસંદ કરી શકે છે અને ફીની મોટી રકમને સરળ માસિક હપ્તા (EMI) માં રૂપાંતરિત કરી શકે છે. બીજી તરફ, સંલગ્ન સંસ્થાઓને ફીની પૂરેપૂરી રકમ સીધી તેમના ખાતામાં પ્રાપ્ત થાય છે, જે તેમના નાણાકીય સંચાલનને વધુ સુદ્રઢ બનાવે છે.
‘ઓનલાઇન અરજી પ્રક્રિયા, ૪૮ કલાકમાં લોન વિતરણ અને સંસ્થાઓને સીધી ચુકવણીની સુવિધા વાલીઓ અને શૈક્ષણિક સંસ્થાઓ બંનેના અવરોધો દૂર કરે છે. આનાથી શાળાઓ અને કોલેજોને ફીની આવકમાં નિશ્ચિતતા મળે છે, જ્યારે પરિવારોને તેમના બાળકોના શિક્ષણમાં રોકાણ કરવા માટે એક મર્યાદિત અને ગૌરવપૂર્ણ વિકલ્પ પ્રાપ્ત થાય છે. આ એક એવી ઔપચારિક નાણાકીય વ્યવસ્થા છે જે શિક્ષણ ક્ષેત્રે દસ્તાવેજીકૃત હોવા છતાં અત્યાર સુધી વણઉકેલાયેલી રહેલી આર્થિક ખાઈને પૂરે છે,’ તેમ શ્રી સુબ્રમણ્યમે ઉમેર્યું હતું.
‘આ કાર્યક્રમ દેશના મેટ્રો, ટાયર-1 અને ટાયર-2 શહેરોની તમામ શૈક્ષણિક સંસ્થાઓ માટે ઉપલબ્ધ છે. જે શૈક્ષણિક સંસ્થાઓ પોતાના વિદ્યાર્થીઓને IndiaEd ની સુવિધા આપવા માંગતી હોય, તેઓ ઓક્સિલોની સત્તાવાર વેબસાઇટ www.auxilo.com પર જઈને ‘ઇન્સ્ટિટ્યૂશનલ પાર્ટનરશિપ ડેસ્ક’ (Institutional Partnership Desk) દ્વારા નોંધણી કરાવી શકે છે.’
