મહારાજા અગ્રસેન શાળામાં અભ્યાસ કરતી છઠ્ઠા ધોરણની પાન્યા શાહે યોગ કરી આજની યુવા પેઢીને યોગનું મહત્વ સમજાવ્યું

Spread the love

Read Time:1 Minute, 39 Second

આજની આધુનિક અને ડિજિટલ લાઈફસ્ટાઈલમાં જ્યારે યુવા પેઢી ફાસ્ટ ફૂડ અને ગેજેટ્સ પાછળ દોડી રહી છે, ત્યારે અમદાવાદની એક નાની બાળકી પાન્યા શાહ એ આખી યુવા પેઢીને પ્રેરણા આપતું અદ્ભુત કાર્ય કર્યું છે.

મહારાજા અગ્રસેન શાળામાં ધોરણ ૬ માં અભ્યાસ કરતી વિદ્યાર્થીની પાન્યા શાહ દ્વારા તાજેતરમાં યોગના વિવિધ આસનોનું શાનદાર પ્રદર્શન કરવામાં આવ્યું હતું.

પાન્યાએ ખૂબ જ જટિલ આસનો સરળતાથી કરીને માત્ર સૌને મંત્રમુગ્ધ જ નથી કર્યા, પરંતુ આજની યુવા પેઢીને શારીરિક અને માનસિક સ્વાસ્થ્ય માટે ‘યોગા’નું શું મહત્વ છે, તેનો એક ઉત્તમ સંદેશ પણ આપ્યો છે.

શાળા પ્રશાસન અને શિક્ષકોએ પણ પાન્યાની આ અસાધારણ પ્રતિભાને બિરદાવી છે. નાની ઉંમરે યોગ પ્રત્યેનું આ સમર્પણ ખરેખર પ્રશંસનીય છે અને તે અન્ય બાળકો તેમજ યુવાનો માટે એક મોટો પ્રેરણાસ્રોત બનશે.