• ગીર સોમનાથ જિલ્લાના રાહુલ વાળાએ SEDI અંબુજનગરમાં મેળવેલી તકનિકી તાલીમ દ્વારા પોતાની કારકિર્દીને નવી દિશા આપી.
• રેફ્રિજરેશન અને એર કન્ડીશનિંગ તાલીમ પૂર્ણ કર્યા બાદ તેમણે રાજકોટમાં રોજગાર પ્રાપ્ત કર્યો અને તેમની માસિક આવક ₹20,000 સુધી પહોંચી.
• આ પહેલ દર્શાવે છે કે ઉદ્યોગ સાથે જોડાયેલ કૌશલ્ય વિકાસ ગ્રામ્ય યુવાનો માટે ટકાઉ આજીવિકાની તકો ઉભી કરી શકે છે..
ગુજરાત: અદાણી પોર્ટફોલિયાનો ભાગ અને વૈશ્વિક સ્તરે બિલ્ડિંગ મટિરિયલ્સ સોલ્યુશન્સ ક્ષેત્રમાં 9મો સૌથી મોટો પ્રદાતા અંબુજા સિમેન્ટ્સ, તેના સ્કિલ એન્ડ એન્ટરપ્રેન્યોરશિપ ડેવલપમેન્ટ ઇન્સ્ટિટ્યૂટ (SEDI) દ્વારા ગ્રામ્ય યુવાનોને ઉદ્યોગલક્ષી કૌશલ્ય પ્રદાન કરી તેમને ટકાઉ રોજગારની તકો સુધી પહોંચાડવામાં મદદરૂપ બની રહ્યું છે.
ગીર સોમનાથ જિલ્લાના સોલાજ ગામના રાહુલ વાળા માટે આ કાર્યક્રમ જીવનમાં એક મહત્વપૂર્ણ વળાંક સાબિત થયો, જેણે અનિશ્ચિતતાને સ્થિર કારકિર્દીમાં પરિવર્તિત કરી. માત્ર ત્રણ બીઘા જમીન ધરાવતા ખેડૂત પરિવારના સભ્ય એવા રાહુલે ઉચ્ચતર માધ્યમિક શિક્ષણ પૂર્ણ કર્યા બાદ આર્થિક રીતે સ્વાવલંબી બનવા અને પરિવારને સહારો આપવાનો નિશ્ચય કર્યો હતો.
વ્યવહારુ કારકિર્દીનો માર્ગ શોધતા રાહુલે SEDI અંબુજનગર ખાતે રેફ્રિજરેશન એન્ડ એર કન્ડીશનિંગ (RAC) કોર્સમાં પ્રવેશ લીધો. તકનિકી તાલીમ, પ્રાયોગિક અનુભવ અને સતત માર્ગદર્શન દ્વારા તેમણે ઉદ્યોગમાં આત્મવિશ્વાસપૂર્વક પ્રવેશ કરવા માટે જરૂરી કૌશલ્ય વિકસાવ્યું.
કાર્યક્રમ પૂર્ણ થયા બાદ રાહુલને રાજકોટ સ્થિત હિમાલયા રેફ્રિજરેશનમાં RAC ટેકનિશિયન તરીકે નિમણૂક મળી. ₹14,000 માસિક વેતન ઉપરાંત રહેવા અને ભોજનની સુવિધા સાથે તેમણે પોતાની વ્યાવસાયિક સફરની શરૂઆત કરી. પોતાની મહેનત અને તકનિકી ક્ષમતાના આધારે તેમણે ટૂંકા સમયમાં જ સંસ્થામાં પોતાની ઓળખ બનાવી.
તેમના કાર્યપ્રદર્શનના પરિણામે તેમનો માસિક પગાર વધીને ₹20,000 થયો, જેના કારણે પરિવારની આવક અને આર્થિક સ્થિરતા બંનેમાં નોંધપાત્ર વધારો થયો. આજે રાહુલ ઘરગથ્થુ ખર્ચમાં યોગદાન આપી રહ્યા છે અને સાથે સાથે વિશિષ્ટ તકનિકી ક્ષેત્રમાં દીર્ઘકાલીન કારકિર્દીનું નિર્માણ પણ કરી રહ્યા છે.પોતાની સફર વિશે વાત કરતા રાહુલે જણાવ્યું કે SEDI ખાતે પ્રાપ્ત થયેલી તાલીમ અને માર્ગદર્શનથી તેમને આર્થિક રીતે સ્વાવલંબી બનવાનો અને પરિવારને સહારો આપવાનો આત્મવિશ્વાસ મળ્યો.
રાહુલની આ સફર દર્શાવે છે કે જ્યારે કૌશલ્ય વિકાસને ઉદ્યોગની જરૂરિયાતો અને રોજગારની તકો સાથે જોડવામાં આવે છે, ત્યારે તે જીવનમાં અર્થપૂર્ણ પરિવર્તન લાવી શકે છે. બજારલક્ષી કૌશલ્ય, કારકિર્દી માર્ગદર્શન અને પ્લેસમેન્ટ સહાય દ્વારા અંબુજા સિમેન્ટ્સ ગ્રામ્ય યુવાનો માટે ટકાઉ આજીવિકા અને આર્થિક પ્રગતિના નવા માર્ગો ઉભા કરવાનું કાર્ય સતત આગળ ધપાવી રહ્યું છે.