1
0
ગુજરાત ચેમ્બર ઓફ કોમર્સ એન્ડ ઈન્ડસ્ટ્રી (GCCI) એ આઈડિયા બેગ ઇવેન્ટ્સ એન્ડ એન્ટરટેઈનમેન્ટ LLP ના સહયોગથી ‘ધ ગ્રેઝર ફેસ્ટ’ (The Grazer Fest) ની ઉદ્ઘોષણા કરી છે. આ એક અનોખું પ્લેટફ્રોર્મ છે જે ભારતના ગતિશીલ અને ઝડપથી વિકસતા ફૂડ એન્ડ બેવરેજ (F&B) ક્ષેત્રને એકસાથે લાવવા માટે તૈયાર કરવામાં આવ્યું છે.
આ ત્રિ-દિવસીય ઉત્સવ ૨૭ ફેબ્રુઆરી થી ૧ માર્ચ, ૨૦૨૬ દરમિયાન અનોખી ગ્રીન્સ, સિંધુ ભવન રોડ, અમદાવાદ ખાતે યોજાશે. આ મહોત્સવનો મુખ્ય ઉદ્દેશ્ય ક્યુલિનરીમાં નવીનતા (culinary innovation), સાંસ્કૃતિક આદાનપ્રદાન અને સામુદાયિક જોડાણ માટે એક આધુનિક સંગમ સ્થાન પૂરું પાડવાનો છે.
‘ધ ગ્રેઝર ફેસ્ટ’ એ GCCI અને આઇડિયા બેગ ઈવેન્ટ્સ એન્ડ એન્ટરટેઈનમેન્ટ LLP ની સંયુક્ત પહેલ છે. જેમાં GCCI નું સંસ્થાકીય નેતૃત્વ અને આઈડિયા બેગનો ‘વિકેન્ડ વિન્ડો’, ‘ધ બજાર પ્રોજેકટ’ અને ‘પાંચમના ગરબા’ જેવી આઇકોનિક ઈવેન્ટ્સ યોજવાનો બહોળો અનુભવ સામેલ છે.
ગુજરાતના ક્યુલિનરી ફ્યુચર (Culinary Future) માટે વ્યૂહાત્મક વિઝન
એક ઇમર્સિવ ૩૬૦-ડિગ્રી અનુભવ તરીકે કલ્પના કરવામાં આવેલ ‘ધ ગ્રેઝર ફેસ્ટ’ ભારતના મુખ્ય રેસ્ટોરન્ટ્સ, કાફે, બેવરેજ બ્રાન્ડ્સ અને ફૂડ-ટેક ઇનોવેટર્સને એક મંચ પર લાવશે. ૨૦,૦૦૦ થી વધુ મુલાકાતીઓની અપેક્ષા સાથે, આ ફેસ્ટિવલમાં વિવિધ થીમેટિક ઝોન હશે, જેમાં રિટેલ અને ગોર્મેટ માર્કેટ, ડેઝર્ટ ગાર્ડન, બેવરેજ બે (Beverage Bay), સ્પેશિયલ ODC પેવેલિયન જ્યાં નિષ્ણાત શેફ દ્વારા તૈયાર કરાયેલ પ્રીમિયમ મેનુ પીરસવામાં આવશે.
ઇવેન્ટના મુખ્ય આકર્ષણોઃ
• ક્યુલિનરી એકસેલન્સઃ મુલાકાતીઓ આર્ટિસનલ પેટીસરીઝથી લઇને પ્રાદેશિક સ્ટ્રીટ ફૂડ સુધીના વિવિધ સ્વાદોનો આનંદ માણી શકશે.
• ઇન્ટરેક્ટિવ નોલેજ સેશન્સઃ પ્રખ્યાત ક્યુલિનરી ઇન્ફલુએન્સર્સ અને માસ્ટરશેફ સાથે પેનલ ચર્ચા અને વર્કશોપનું આયોજન કરવામાં આવશે, જે ઉદ્યોગના વલણો અને નવીનતા વિશે માહિતી આપશે.
• લાઇવ મનોરંજન: ફેસ્ટિવલ સ્ટેજ પર લાઇવ પર્ફોર્મન્સ અને સાંસ્કૃતિક વાર્તાલાપ રજૂ કરવામાં આવશે.
• બ્રાન્ડ કોલાબોરેશન: અગ્રણી બ્રાન્ડ્સ તેમના નવા ઉત્પાદનો અને પ્રીમિયમ ઓફરિંગ્સ નું પ્રદર્શન કરશે.
આર્થિક અને વ્યાવસાયિક પ્રભાવ:-
માત્ર ઉત્સવ જ નહીં, પરંતુ ‘ધ ગ્રેઝર ફેસ્ટ’ ફૂડ એન્ડ બેવરેજ ઉદ્યોગ માટે વ્યવસાયિક રીતે પણ અત્યંત મહત્વપૂર્ણ સાબિત થશે:
1. બ્રાન્ડ વિઝિબિલિટી: યુવા વ્યાવસાયિકો અને નિર્ણય લેતા પરિવારો સુધી સીધી પહોંચ.
2. માર્કેટ એક્ટિવેશન: પ્રોડકટ લોન્ચિંગ અને ગ્રાહકોના સીયા પ્રતિસાદ (Feedback) મેળવવા માટે વયૂહાત્મક તક.
3. B2B નેટવર્કિંગ: ઉદ્યોગના હિસ્સેદારો માટે ભાગીદારી અને વ્યવસાયિક તકો શોધવા માટેનું સક્ષમ ઇકોસિસ્ટમ.
4. મોટા પાયે B2C જોડાણ: ગ્રાહકો સાથે સીધો સંવાદ, જે બ્રાન્ડ્સને વિશ્વાસ કેળવવામાં અને વેચાણ વધારવામાં મદદ કરશે.
ટિકિટિંગ અને મુલાકાતીઓ માટે વ્યવસ્થા:-
• ‘ધ ગ્રેઝર ફેસ્ટ’ ની ટિકિટો ૧૨ ફેબ્રુઆરી ૨૦૨૬ થી સત્તાવાર વેબસાઇટ અને BookMyShow પર ઉપલબ્ધ થશે.
• GCCI ના સભ્યો અને સામાન્ય જનતાની સુવિધા માટે ૧૫ ફેબ્રુઆરી ૨૦૨૬ થી GCCI ઓફિસ ખાતે પણ ટિકિટો મળી શકશે.
ઇવેન્ટની વિગતો એક નજરે:
તારીખ: ૨૭ ફેબ્રુઆરી -૧ માર્ચ, ૨૦૨૬
સ્થળ: અનોખી ગ્રીન્સ, કે’સ ચારકોલની સામે, સિંધુ ભવન રોડ, અમદાવાદ
સત્તાવાર વેબસાઈટ :- www.thegrazerfest.com
