1
0
• આ કાર્યક્રમની સફળતાએ સાહિત્યિક પ્રતિભાને વિકસાવવામાં અને શિક્ષણમાં બૌદ્ધિક પ્રવચનને મજબૂત કરવામાં મહત્વપૂર્ણ યોગદાન આપ્યું હતું
અમદાવાદ: દિલ્હી પબ્લિક સ્કૂલ (DPS)-બોપલ, અમદાવાદ દ્વારા કલિંગા લિટરરી ફેસ્ટિવલના સહકાર સાથે ‘કેલોરેક્સ લિટરરી ફેસ્ટિવલ’ નું આયોજન કરવામાં આવ્યું હતું. આ ઈવેન્ટએ ભાષા અને સાહિત્યિક શ્રેષ્ઠતાને સમર્પિત ગતિશીલ પ્લેટફોર્મ પૂરું પાડ્યું હતું. તેનું ઉદઘાટન સત્ર અગ્રણી શિક્ષકો, લેખકો, પત્રકારો અને મહાનુભાવો વચ્ચે વિચારોના જીવંત આદાનપ્રદાન તરીકે પ્રગટ થયું હતું.
કલિંગા સાહિત્ય મહોત્સવના સીઈઓ અને પેટ્રન શ્રી અશોક કુમાર બલે સાર્થક સંવાદ, સાંસ્કૃતિક આદાન-પ્રદાન અને સર્જનાત્મક વિકાસને પ્રોત્સાહન આપવા માટે આવા આયોજનોની મુખ્ય ભૂમિકા પર પ્રકાશ પાડ્યો હતો. કલિંગ લિટરરી ફેસ્ટિવલના સ્થાપક અને પ્રમુખ શ્રી રશ્મિ રંજન પરિદાએ જણાવ્યું હતું કે, આ મહોત્સવનો ઉદ્દેશ્ય, બધાને સાથે લાવતા સમાવિષ્ટ સાહિત્યિક સ્થાનોનું નિર્માણ કરવાનો છે, જે વિવિધ ભાષાઓ અને વિચારોને એકસાથે લાવે અને જેનાથી સાહિત્યિક ઇકોસિસ્ટમ વધુ મજબૂત બને.
આ દ્રષ્ટિકોણમાં ઉમેરો કરતાં, કેલોરેક્સ ગ્રુપના મેનેજિંગ ડિરેક્ટર અને સીઈઓ, એજ્યુપ્રેન્યોર અને લેખિકા, ડૉ. મંજુલા પૂજા શ્રોફે ટેકનોલોજીને મુખ્ય સાહિત્યિક મૂલ્યો સાથે જોડવાની જરૂરિયાત પર ભાર મૂક્યો હતો. તેમણે ડિજિટલ ઈનોવેશન મારફતે, ભાષા અને સાહિત્યના અભ્યાસને પ્રોત્સાહન આપવાની વાત કરી હતી.
પ્રખ્યાત કવયિત્રી અને અનુવાદક શ્રીમતી દીપા અગ્રવાલે યુવા મનને આકાર આપવામાં કલ્પનાશક્તિની પરિવર્તનશીલ ભૂમિકા પર પ્રકાશ પાડ્યો હતો. તેમણે જ્યાં વાંચનને સર્જનાત્મકતાના પ્રવેશદ્વાર તરીકે ઉજવવામાં આવે, તેવી સંસ્કૃતિ વિકસિત કરવાની હાંકલ કરી હતી. લેખિકા અને ભૂતપૂર્વ પત્રકાર સુશ્રી સેવી કર્નેલે આજની પેઢી સાથે સંકળાયેલી, આજના જમાનાની આધુનિક કથાઓના મહત્વ પર ભાર મૂક્યો હતો. સાહિત્યિક વિવેચક અને ફેસ્ટીવલ એડવાઈઝર શ્રી જતીન્દ્ર કુમાર નાયકે સાંસ્કૃતિક ઓળખ પર વાર્તા કહેવાની પરંપરાઓના કાયમી પ્રભાવ અંગે જાણકારી આપી હતી.
આ કાર્યક્રમમાં ડૉ. નરોત્તમ સાહૂ (સિનિયર સાઈન્ટીસ્ટ-ગુજરાત સાયન્સ સિટી, સલાહકાર અને સભ્ય સચિવ, GUJCOST), લેખક, દિગ્દર્શક અને રંગમંચ અભિનેતા શ્રી પ્રશાંત રાવલ; આર.આર. શેઠ એન્ડ કંપની પ્રા.લિ.ના મેનેજિંગ ડિરેક્ટર શ્રી રત્નરાજ શેઠ; શ્રીમતી રાગિની ભારદ્વાજ, લેખક અને લાઈફ કોચ) તેમજ કેલોરેક્સ ગ્રુપના શૈક્ષણિક નિયામક શ્રીમતી આરતી મિશ્રા સહિત પ્રતિષ્ઠિત મહેમાનોની ગરીમામયી હાજરીએ આ ઉત્સવને સાહિત્યિક સૂઝ, વ્યાવસાયિક કુશળતા અને પ્રેરણાદાયી દ્રષ્ટિકોણથી વધુ સમૃદ્ધ બનાવ્યો હતો.
આ કાર્યક્રમની શરૂઆત પ્રિન્સિપાલ શ્રીમતી સબીના સાહનીના પ્રેરણાદાયી ભાષણ સાથે થઈ હતી. તેમણે વિદ્યાર્થીઓમાં વાંચન સંસ્કૃતિ, સાહિત્યની સમજ અને એક્સપ્રેસિવ લેંગ્વેજ સ્કીલ(અભિવ્યક્તિત્મક ભાષા કૌશલ્ય)ને પ્રોત્સાહન આપવા પ્રત્યે શાળાની ઊંડી પ્રતિબદ્ધતા પર ભાર મૂક્યો હતો. તેમની વાતોએ ઝડપથી બદલાતા શૈક્ષણિક પરિદૃશ્યમાં સાહિત્ય પ્રત્યે આજીવન સમ્માન અને વિવેચનાત્મક પૂછપરછને પોષવા માટે ઇનોવેટિવ અને ફ્લેક્સિબલ ટીચિંગ એપ્રોચની જરૂરતો ઉપર પ્રકાશ પાડ્યો હતો.
આ કાર્યક્રમ દરમિયાન યોજાયેલી પેનલ ચર્ચાઓમાં સર્જનાત્મકતા, શિક્ષણ અને સાહિત્યિક જોડાણને આકાર આપતા સમકાલીન મુદ્દાઓની તપાસ કરવામાં આવી હતી. શૈક્ષણિક નિષ્ણાતોએ ડિજિટલ યુગમાં ભાષા શીખવા અને સાહિત્યના ઉત્ક્રાંતિ પર ડિજિટલ ટૂલ્સની અસરની તપાસ કરી હતી તેમજ સભાન મીડિયા ઉપયોગ અને અનુકૂલનશીલ, વિદ્યાર્થી-કેન્દ્રિત સાહિત્યિક શિક્ષણશાસ્ત્ર માટે હાકલ કરી હતી. બાળ સાહિત્ય અને સર્જનાત્મકતા પર યોજાયેલા એક સમર્પિત સત્રમાં જીવંત વાંચન સંસ્કૃતિ વિકસાવવા અને આકર્ષક ભાષા પ્રવૃત્તિઓ દ્વારા સર્જનાત્મક વાર્તા કહેવાને પ્રોત્સાહન આપવા માટે ક્લાસરૂમની વ્યૂહરચનાઓ શેર કરવામાં આવી હતી.
અહીં યોજાયેલા ઇન્ટરેક્ટિવ વર્કશોપ્સે સર્જનાત્મક લેખન, પ્રકાશન અને વાર્તા રચનામાં વ્યવહારુ તાલીમ આપને આ ઉત્સવને વધુ સમૃદ્ધ બનાવ્યો હતો. ઈનોવેટીવ સત્રોએ સાહિત્યિક સર્જનાત્મકતામાં ભાગીદાર તરીકે AIની ભૂમિકા પર પ્રકાશ પાડ્યો હતો. આ સત્રોએ દર્શાવ્યું હતું કે, ટેકનોલોજી કેવી રીતે માનવ કલ્પના અને ભાષાકીય અભિવ્યક્તિને બદલવાને બદલે તેમાં વધારો કરી શકે છે!
આ મહોત્સવમાં પ્રાદેશિક ભાષાઓ, બહુભાષીતા અને ભારતના વૈવિધ્યસભર સાહિત્યિક વારસાનું પણ સન્માન કરવામાં આવ્યું હતું. ભાષાકીય વિવિધતાની ઉજવણી કરતા સત્રોમાં વિવિધ ભાષાઓમાં વાર્તાઓની વહેંચણી દ્વારા સાંસ્કૃતિક ઓળખ અને પરસ્પર આદર વધારવા માટે સાહિત્યની ક્ષમતા પર ભાર મૂકવામાં આવ્યો હતો.
વિવિધ પ્રકારના સ્ટોલએ ઉત્સવની રોમાંચકતામાં ઉલ્લેખનીય ફાળો આપ્યો હતો. તેમાં કેલોરેક્સ પબ્લિકેશન્સ દ્વારા પ્રકાશિત પુસ્તકો, ઉભરતા અને સ્થાપિત લેખકોના કાર્યો અને યાલી સ્ટોરમાંથી ક્યુરેટેડ ઓફરિંગ, આ તમામ વિશેષ રીતે પ્રદર્શિત કરવામાં આવ્યું હતું. કાઉન્સેલિંગ વિભાગ દ્વારા કેરિયર કંપાસ, વેલનેસ સર્કલ અને પેજ મેટ્સ પહેલ દ્વારા અહીં ઉપસ્થિતો લોકોને સક્રિય રીતે જોડવામાં આવ્યા હતા, જેનાથી વિવિધ પ્રકારના પ્રશ્નો પર ઉપયોગી માર્ગદર્શન મળ્યું હતું. વિવિધ આકર્ષણોમાં, શાળાના હેરિટેજ ક્લબ દ્વારા ઊભો કરવામાં આવેલો “અતીત કે ઝરોખે સે” નામનો સ્ટોલ એક મુખ્ય આકર્ષણ હતો, જ્યાં વિદ્યાર્થીઓએ પરંપરાગત ખોરાક અને નાસ્તાના કાઉન્ટર ઉભા કર્યા હતા. જેમાં વર્ષો જૂની મનપસંદ વસ્તુઓ તેમજ હાથથી બનાવેલી વસ્તુઓ વેચાણ માટે રાખવામાં આવી હતી.
આ મહોત્સવના સમાપન કાર્યક્રમમાં, શાળાના વાઇસ હેડ બોય અને વાઇસ હેડ ગર્લ દ્વારા ઔપચારિક આભારવિધિ અને ત્યારબાદ રાષ્ટ્રગીત રજૂ કરવામાં આવ્યું હતું. તેમાં સાહિત્યિક ઉજવણી અને વિદ્વતાપૂર્ણ આદાન-પ્રદાનની ભાવનાને સુંદર રીતે રજૂ કરવામાં આવી. સમગ્ર કાર્યક્રમ દરમિયાન, સહભાગીઓએ ભાષા અને સાહિત્યની પરિવર્તનશીલ શક્તિને સ્વીકારી હતી તથા સર્જનાત્મક અભિવ્યક્તિને પ્રેરણા આપી અને સાંસ્કૃતિક ઓળખને મજબૂત બનાવી હતી.
આ મહોત્સવે વિદ્યાર્થીઓમાં વાંચન અને સાહિત્યિક જોડાણ માટે નવા ઉત્સાહનો સંચાર કર્યો હતો. જ્યારે શિક્ષકોએ ભાષા શિક્ષણને સમૃદ્ધ બનાવવા અને શાળા સમુદાયમાં સાહિત્ય પ્રત્યે કાયમી પ્રશંસાને પ્રોત્સાહન આપવા માટે મૂલ્યવાન સમજ મેળવી હતી. ‘કેલોરેક્સ લિટરરી ફેસ્ટિવલ’ની સફળતાએ સાહિત્યિક પ્રતિભાને વિકસાવવા અને શિક્ષણમાં બૌદ્ધિક પ્રવચનને મજબૂત કરવામાં આવા મહોત્સવના આયોજનની અગત્યતા દર્શાવી હતી.
INSTAGRAM LINK :-
https://www.instagram.com/reel/DRpYxwyktw7/?igsh=MWJ2NmtsNGJqbXFkbA==
