Ahmedabad News Business News Entertainment News Gujarat Local News Technology World

GCCI GATE 2026 પ્રથમ દિવસ: મુખ્ય મહાનુભાવોનું સંબોધન, CEO પેનલ ચર્ચા અને ઈન્વેસ્ટર સેશન્સ

Views: 334
1 0
Spread the love
Read Time:6 Minute, 48 Second

ગુજરાત ચેમ્બર ઓફ કોમર્સ એન્ડ ઇન્ડસ્ટ્રી (GCCI) દ્વારા ગાંધીનગરના હેલિપેડ એકિઝબિશન સેન્ટર ખાતે અત્યંત ઉત્સાહ અને વ્યૂહાત્મક દૂરંદેશી સાથે ‘GATE 2026’ ના પ્રથમ દિવસનો ભવ્ય પ્રારંભ કરવામાં આવ્યો હતો. આ સમિટ સરકાર, ઉદ્યોગ અને વૈશ્વિક હિતયારકો વચ્ચે સંવાદને પ્રોત્સાહન આપવા માટેની GCCIની પ્રતિબદ્ધતાને પુનઃપુષ્ટ કરે છે. કાર્યક્રમની શરૂઆત ઉદ્ઘાટન સત્રથી થઈ હતી, જેમાં પ્રતિષ્ઠિત મહાનુભાવો અને ઉદ્યોગ જગતના અગ્રણીઓ ઉપસ્થિત રહ્યા હતા.

ગુજરાત સરકારના માનનીય મુખ્યમંત્રી શ્રી ભૂપેન્દ્રભાઈ પટેલે તેઓના ઉદ્ધાટન વક્તવ્યમાં ગુજરાતની મજબૂત ઔદ્યોગિક ઇકોસિસ્ટમ પર ભાર મૂક્યો હતો અને ‘વિકસિત ગુજરાત ૨૦૪૭’ માટે ઈઝ ઓફ ડૂઇંગ બિઝનેસ, નીતિગત સ્થિરતા અને ટકાઉ આર્થિક વિકાસ પ્રત્યે રાજ્ય સરકારની પ્રતિબદ્ધતાને દોહરાવી હતી. તેઓએ વૈશ્વિક પર્યાવરણીય લક્ષ્યોને અનુરૂપ ગ્રીન ગ્રોથ, રિન્યુએબલ એનર્જી અને ટકાઉપણું (સસ્ટેનેબિલિટી) આધારિત ઔધોગિકીકરણ પર રાજ્યના વિશેષ ધ્યાન પર ભાર મૂક્યો હતો. તેઓએ ગુજરાતના સેમિકન્ડકટર મિશન, ગિફ્ટ સિટી અને લોજિસ્ટિક્સ પોલિસી જેવી ફ્લેગશિપ પહેલો વિશે પણ વાત કરી હતી, જે રાજ્યને નેકસ્ટ જનરેશન ઉદ્યોગોમાં અગ્રેસર સ્થાને સ્થાપિત કરે છે.

GCCI ના પ્રમુખ શ્રી સંદીપભાઈ એન્જિનિયરે ઉપસ્થિત મહાનુભાવો અને સહભાગીઓનું ઉષ્માભર્યું સ્વાગત કર્યું હતું અને તેમની ઉપસ્થિતિ તથા સતત સમર્થન બદલ આભાર વ્યક્ત કર્યો હતો. તેઓએ વધુમાં નોંધ્યું હતું કે GATE 2026 ના વ્યાપમાં નોંધપાત્ર વિસ્તરણ જોવા મળ્યું છે, જે અગાઉની આવૃત્તિઓની સરખામણીમાં બમણાથી પણ વધુ છે.

આ કાર્યક્રમમાં ૫૦૦ થી વયુ પ્રદર્શકોએ ભાગ લીધો છે અને ૩૦,૦૦૦ થી વધુ યુનિક રજીસ્ટ્રેશન નોંધાયા છે. તેમણે ખાસ ઉલ્લેખ કર્યો હતો કે, ડેલૉઇટ ઇન્ડિયા હાલમાં GCCI માટે ૨૦૪૭ સુધીનો એક વ્યાપક દીર્ઘકાલીન રોડમેપ તૈયાર કરી રહ્યું છે, જે માનનીય વડાપ્રયાન શ્રી નરેન્દ્રભાઈ મોદીના ‘વિકસિત ભારત’ ના વિઝન સાથે સુસંગત છે. આ રોડમેપ આગામી દાયકાઓમાં સતત આર્થિક વૃદ્ધિ, ઔધોગિક વિકાસ અને સંસ્થાકીય મજબૂતીકરણ માટે વ્યૂહાત્મક દિશા પ્રદાન કરશે.

ટોરેન્ટ પાવર લિમિટેડના વાઇસ ચેરમેન અને મેનેજિંગ ડિરેકટર શ્રી જીનલભાઈ મહેતાએ ઊર્જા સુરક્ષા અને ટકાઉપણું (Sustainability) ના મહત્વ પર ભાર મૂક્યો હતો. તેમણે જણાવ્યું હતું કે વર્તમાન વૈશ્વિક ભૌગોલિક-રાજકીય પરિસ્થિતિમાં ઊર્જા સુરક્ષા એ રાષ્ટ્રીય સુરક્ષાનો જ એક ભાગ છે, તેથી વીજ ઉત્પાદનમાં આત્મનિર્ભરતા એ આપણી વ્યૂહાત્મક પ્રાથમિકતા હોવી જોઈએ.

આ પ્રસંગે મંચ પર અન્ય મહાનુભાવોમાં ક્રેડાઈ (CREDAI) નેશનલના પ્રમુખ શ્રી શેખરભાઈ પટેલ: GCCIના સિનિયર ઉપપ્રમુખ શ્રી રાજેશ ગાંધી; ઉપપ્રમુખ શ્રી અપૂર્વ શાહ; પૂર્વ પ્રમુખ શ્રી અજય પટેલ; માનદ મંત્રી શ્રી સુધાંશુ મહેતા, માનદ મંત્રી (રીજીયોનલ) શ્રી બિપેન્દ્રસિંહ જાડેજા અને માનદ ખજાનચી શ્રી ગૌરાંગ ભગત ઉપસ્થિત રહ્યા હતા.

બપોરના સત્રમાં “CEO પાવર પેનલ: બિલ્ડિંગ ગ્લોબલ-સ્કેલ એન્ટરપ્રાઇઝિસ” વિષય પર પેનલ ચર્ચા યોજાઇ હતી. જેમાં શ્રી સૌમ્ય એન્જિનિયર (CEO, એસ્ટ્રલ એડહેસિવ્સ એન્ડ પેઇન્ટ્સ), શ્રી અક્ષત દોશી (ડિરેકટર, વિશાખા ગ્રુપ), શ્રી પ્રિયવ્રત મફતલાલ (વાઇસ ચેરમેન, અરવિંદ મફતલાલ ગ્રુપ) અને શ્રી શ્રેયાંસ ધોળકિયા (ડિરેકટર શ્રી રામકૃષ્ણ એક્સપોર્ટ્સ) જેવા કોર્પોરેટ નેતાઓએ ભાગ લીધો હતો. આ સત્રનું સંચાલન ડેલૉઇટ ઇન્ડિયાના પાર્ટનર શ્રી કે, આર સેખરે કર્યું હતું. પેનલના સભ્યોએ વ્યવસાયોને સરહદો પાર લઈ જવા અને વૈશ્વિક સ્તરે સ્પર્ધાત્મક સંસ્થાઓ બનાવવા અંગેના મૂલ્યવાન અનુભવો શેર કર્યા હતા.

દિવસના અંતે સંજય ધોડાવત ગ્રુપના ચેરમેન શ્રી સંજય ધોડાવત દ્વારા “શૂન્ય થી શિખર સુધી: અનિશ્ચિતતાના સમયમાં નેતૃત્વ” વિષય પર પ્રેરણાદાથી મુખ્ય સંબોધન આપવામાં આવ્યું હતું. તેમણે પડકારોને પાર કરવામાં સ્થિતિસ્થાપકતા, વિઝનરી નેતૃત્વ અને દ્રઢતાના મહત્વ વિશે વાત કરી હતી.સમાંતર રીતે, એડમિન બ્લોક ખાતે યોજાયેલા સેમિનારોએ ઉધોગસાહસિકતા અને સ્ટાર્ટઅપ રોકાણો પર ઊંડી ચર્ચા જગાવી હતી.

“ધ પિચ મેરેથોન ૧” સત્રમાં અગ્રણી વેન્ચર કેપિટલિસ્ટ્સ અને રોકાણકારો જેવા કે શ્રી ઉત્પલ વૈષ્ણવ, શ્રી અનુજ કોકાટે, શ્રી કેદાર દવે, શ્રી બ્રેન્ડન ફારોઝ અને શ્રી મિલાપસિંહ જાડેજાએ ઉભરતા સાહસિકોના સ્ટાર્ટઅપ વિચારોનું મૂલ્યાંકન કર્યું હતું. ત્યારબાદ “ભારતમાં પ્રારંભિક તબક્કાના સ્ટાર્ટઅપ રોકાણોના વર્તમાન પ્રવાહો” વિષય પર પેનલ ચર્ચા થઈ હતી, જેમાં ભંડોળની પેટર્ન અને નવી તકો અંગે માર્ગદર્શન પૂરું પાડવામાં આવ્યું હતું.

Happy
Happy
100 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *