1
0
અમદાવાદ :- ગ્રાહકો તથા સામાન્ય જનતા સુધી બેંકની વિવિધ રિટેલ લોન યોજનાઓ અને બેંકિંગ સુવિધાઓની પહોંચને વધુ વ્યાપક બનાવવાના ઉદ્દેશ્યથી સેન્ટ્રલ બેંક ઓફ ઈન્ડિયાની અમદાવાદ અને ગાંધીનગર પ્રાદેશિક કચેરીઓ દ્વારા 21 ઓગસ્ટ 2026ના રોજ અમદાવાદ ખાતે રાષ્ટ્રીય રિટેલ આઉટરીચ કેમ્પનું સફળ આયોજન કરવામાં આવ્યું હતું.
કાર્યક્રમમાં બેંકના કેન્દ્રીય કાર્યાલયના મહાપ્રબંધક શ્રી પાર્થ સારથી નાયડુ વિશેષ ઉપસ્થિત રહ્યા હતા. તેમની સાથે અમદાવાદના અંચલ પ્રમુખ શ્રી પ્રમોદ મિશ્રા, અમદાવાદના પ્રાદેશિક પ્રમુખ શ્રી ગૌરવ કુમાર જૈન તથા ગાંધીનગરના પ્રાદેશિક પ્રમુખ શ્રી અનંતપ્રીત સિંહની ગરિમામય ઉપસ્થિતિ રહી હતી. વરિષ્ઠ અધિકારીઓની ઉપસ્થિતિએ કાર્યક્રમના ઉત્સાહમાં વધારો કર્યો તથા બેંકના રિટેલ વ્યવસાયને વધુ મજબૂત બનાવવા માટેની સંગઠનની પ્રતિબદ્ધતા દર્શાવી.
કેમ્પ દરમિયાન ગ્રાહકો તથા સામાન્ય જનતાને બેંકની વિવિધ રિટેલ લોન યોજનાઓ, તેમની વિશેષતાઓ, પાત્રતા તથા ઉપલબ્ધ સુવિધાઓ અંગે વિગતવાર માહિતી આપવામાં આવી હતી. કાર્યક્રમમાં હોમ લોન, વ્હીકલ લોન, એજ્યુકેશન લોન, ગોલ્ડ લોન, પર્સનલ લોન અને પેન્શન લોન સહિત વિવિધ રિટેલ પ્રોડક્ટ્સને વિશેષ પ્રાધાન્ય આપવામાં આવ્યું હતું.
કેમ્પ દરમિયાન વિવિધ રિટેલ લોન પ્રોડક્ટ્સ અંતર્ગત અંદાજે ₹40 કરોડની રકમના લોન સૅન્કશન લેટર્સ ગ્રાહકોને આપવામાં આવ્યા હતા.આ સિદ્ધિ ગ્રાહકોનો બેંક પરનો વિશ્વાસ તથા રિટેલ વ્યવસાયને પ્રોત્સાહન અને મજબૂત બનાવવા માટે અમદાવાદ પ્રાદેશિક કચેરી દ્વારા કરવામાં આવી રહેલા સતત પ્રયાસોને દર્શાવે છે.
આ પ્રસંગે બેંકના અધિકારીઓ તથા કર્મચારીઓએ ગ્રાહકો સાથે વ્યક્તિગત સંવાદ સ્થાપિત કરી તેમની નાણાકીય જરૂરિયાતોને સમજવામાં આવી હતી તથા તેમની જરૂરિયાત અનુસાર યોગ્ય લોન સોલ્યુશન અંગે માર્ગદર્શન આપવામાં આવ્યું હતું. ગ્રાહકોને સરળ અને ઝડપી લોન પ્રક્રિયા, આકર્ષક વ્યાજ દરો, ન્યૂનતમ દસ્તાવેજીકરણ, લવચીક પુનઃચુકવણી વિકલ્પો તથા ગ્રાહક-કેન્દ્રિત બેંકિંગ સેવાઓ અંગે પણ માહિતી આપવામાં આવી હતી.
કાર્યક્રમમાં ઉપસ્થિત *કેન્દ્રીય કાર્યાલયના મહાપ્રબંધક શ્રી પાર્થ સારથી નાયડુ, અમદાવાદના અંચલ પ્રમુખ શ્રી પ્રમોદ મિશ્રા, અમદાવાદના પ્રાદેશિક પ્રમુખ શ્રી ગૌરવ કુમાર જૈન તથા ગાંધીનગરના પ્રાદેશિક પ્રમુખ શ્રી અનંતપ્રીત સિંહ*એ ગ્રાહકોની બદલાતી નાણાકીય જરૂરિયાતોને અનુરૂપ સરળ, પારદર્શક અને ગ્રાહક-કેન્દ્રિત બેંકિંગ સેવાઓ પૂરી પાડવાના મહત્વ પર પ્રકાશ પાડ્યો. તેમણે અમદાવાદ અને ગાંધીનગર પ્રાદેશિક કચેરીઓના અધિકારીઓ અને કર્મચારીઓને રિટેલ પ્રોડક્ટ્સની પહોંચ વધુ વ્યાપક બનાવવા તથા વધુમાં વધુ ગ્રાહકોને બેંકની વિવિધ યોજનાઓ સાથે જોડવા માટે પ્રોત્સાહિત કર્યા.
કેમ્પ દરમિયાન બેંકના “તમારા સપના, અમારો સંકલ્પ”**ના ભાવને કેન્દ્રમાં રાખીને ગ્રાહકોને ઘર ખરીદવા, વાહન લેવા, ઉચ્ચ શિક્ષણ મેળવવા, વ્યક્તિગત જરૂરિયાતો તથા અન્ય નાણાકીય જરૂરિયાતો માટે યોગ્ય નાણાકીય ઉકેલો ઉપલબ્ધ કરાવવાનો પ્રયાસ કરવામાં આવ્યો.
અમદાવાદ અને ગાંધીનગર પ્રાદેશિક કચેરીઓ દ્વારા આયોજિત આ કેમ્પમાં બેંકના અધિકારીઓ અને કર્મચારીઓની સક્રિય ભાગીદારી રહી હતી. ગ્રાહકો તરફથી કેમ્પને સકારાત્મક પ્રતિસાદ મળ્યો. આ આયોજન અમદાવાદ ક્ષેત્રમાં રિટેલ વ્યવસાયને મજબૂત કરવા, નવા ગ્રાહકો સુધી પહોંચ વધારવા તથા બેંકની વિવિધ રિટેલ યોજનાઓ અંગે જાગૃતિ વધારવાની દિશામાં એક મહત્વપૂર્ણ પહેલ સાબિત થયું.
YOUTUBE LINK :-
https://youtu.be/ncDpk8_zo8M?si=5RUPNmVkUoZ8cwRB
