1
0
GSFC યુનિવર્સિટીએ વિશ્વ પર્યાવરણ દિવસ 2026ની ઉજવણી વિવિધ પ્રવૃત્તિઓ દ્વારા કરી, જેમાં વિદ્યાર્થીઓ, શૈક્ષણિક અને બિન-શૈક્ષણિક કર્મચારીઓમાં પર્યાવરણ પ્રત્યે જાગૃતિ અને જવાબદારી વધારવાનો પ્રયાસ કરવામાં આવ્યો.
યુનિવર્સિટીના એન્વાયરમેન્ટ ક્લબ દ્વારા “Inspired by Nature. For Climate. For Our Future.” થીમ હેઠળ આ કાર્યક્રમોનું આયોજન કરવામાં આવ્યું હતું. ઉજવણીના ભાગરૂપે યુનિવર્સિટી કેમ્પસમાં “એક પેડ માં કે નામ” અભિયાન અંતર્ગત વૃક્ષારોપણ કાર્યક્રમ યોજાયો. યુનિવર્સિટીના ડિરેક્ટર ઇન્ચાર્જ એડમિનિસ્ટ્રેશન અને કેમ્પસ ડિરેક્ટર શ્રી એમ. કે. બારોટ, અન્ય ઉચ્ચ અધિકારીઓ, શૈક્ષણિક અને બિન-શૈક્ષણિક કર્મચારીઓ અને વિદ્યાર્થીઓએ મળીને વૃક્ષારોપણ કરીને પર્યાવરણલક્ષી ભવિષ્ય માટે પોતાની પ્રતિબદ્ધતા વ્યક્ત કરી.
વૃક્ષારોપણ ઉપરાંત, એન્વાયરમેન્ટ ક્લબ દ્વારા ઇકો-બ્રિક બનાવવાની સ્પર્ધા નુ આયોજન કરવામાં આવ્યું. આ સ્પર્ધાનો હેતુ વિદ્યાર્થીઓને રિસાયકલ ન થઈ શકતા પ્લાસ્ટિક કચરાનો ઉપયોગ કરીને ઇકો-બ્રિક બનાવવાનું પ્રોત્સાહન આપવાનો અને જવાબદાર કચરા વ્યવસ્થાપન વિશે જાગૃતિ ફેલાવવાનો હતો. આ ઉપરાંત, પર્યાવરણ સંબંધિત વિષયો પર શોર્ટ ફિલ્મ મેકિંગ સ્પર્ધાની પણ જાહેરાત કરવામાં આવી. આ સ્પર્ધા દ્વારા વિદ્યાર્થીઓને હવામાન પરિવર્તન, જૈવ વૈવિધ્યનું સંરક્ષણ અને પ્રદૂષણ જેવા મહત્વપૂર્ણ મુદ્દાઓ પર પોતાની સર્જનાત્મકતા રજૂ કરવાની તક મળશે.
આ ઉજવણી GSFC યુનિવર્સિટીની પર્યાવરણ સંરક્ષણ, મજબૂત વિકાસ અને સામાજિક જવાબદારી પ્રત્યેની સતત પ્રતિબદ્ધતાને દર્શાવે છે.
