1
0
અમદાવાદ: સ્વર્ણિમ ઇન્ટરનેશનલ સ્કૂલે વિદ્યાર્થીઓ માટે શાળાના પરિસરમાં જ આનંદમય અને પ્રવૃત્તિઓથી ભરપૂર સમર કેમ્પનું સફળ આયોજન કર્યું. વેકેશન દરમિયાન બાળકોને નવીન અને સર્જનાત્મકતા શીખવા સાથે આત્મઅભિવ્યક્તિ માટે અર્થપૂર્ણ પ્લેટફોર્મ પૂરું પાડવામાં આવ્યું હતું. જેમાં વિદ્યાર્થીઓએ ઉત્સાહભેર ભાગ લીધો હતો.
સમર કેમ્પનું આયોજન વિદ્યાર્થીઓના સર્વાંગી વિકાસને ધ્યાનમાં રાખીને કરવામાં આવ્યું હતું, જેમાં સર્જનાત્મકતા, આત્મવિશ્વાસ, કોમ્યુનિકેશન સ્કિલ્સ, ભાવનાત્મક વિકાસ, ક્રિટિકલ થિંકિંગ અને સાંસ્કૃતિક મૂલ્યોના વિકાસ પર વિશેષ ભાર મૂકવામાં આવ્યો હતો. વિવિધ નવીન અને ઇન્ટરેક્ટિવ પ્રવૃત્તિઓ દ્વારા વિદ્યાર્થીઓને સુરક્ષિત, આનંદમય અને સકારાત્મક વાતાવરણમાં શીખવાની અનોખી તક મળી હતી.
કેમ્પના મુખ્ય આકર્ષણોમાં સાઉન્ડ બાથ જેવી અનોખી પ્રવૃત્તિનો સમાવેશ થયો હતો, જેના દ્વારા બાળકોને આરામ અને માઇન્ડફુલનેસનો અનુભવ કરાવવામાં આવ્યો હતો. માઇન્ડ ગેમ્સ દ્વારા લોજિકલ થિંકિંગ અને પ્રોબ્લેમ સોલ્વિંગ ક્ષમતાનો વિકાસ કરવામાં આવ્યો હતો, જ્યારે મેથ્સ મેજિક સેશન દ્વારા ગણિતને રસપ્રદ અને સરળ બનાવ્યું હતું.
આ ઉપરાંત રિધમ રમ્બલ પ્રવૃત્તિઓ દ્વારા સંગીત અને ઊર્જાનો અનુભવ કરાવવામાં આવ્યો હતો, તેમજ રેડિયો જોકી સેશન દ્વારા વિદ્યાર્થીઓમાં કોમ્યુનિકેશન સ્કિલ્સ, આત્મવિશ્વાસ અને સ્ટેજ પ્રેઝન્સ વિકસાવવામાં આવ્યા હતા.
વાલીઓએ પણ શાળાની આ અનોખી પહેલની પ્રશંસા કરી હતી અને જણાવ્યું હતું કે સમર કેમ્પ દ્વારા બાળકોને નવી બાબતો શીખવા, પોતાની રસ-રૂચિઓ ઓળખવા અને રજાઓનો સર્જનાત્મક ઉપયોગ કરવાની ઉત્તમ તક મળી હતી.
શાળા સંચાલનના જણાવ્યા મુજબ, સમર કેમ્પનો મુખ્ય હેતુ વિદ્યાર્થીઓને માત્ર વેકેશન દરમિયાન વ્યસ્ત રાખવાનો નહોતો, પરંતુ તેમના વ્યક્તિત્વ વિકાસ, સર્જનાત્મકતા, આત્મવિશ્વાસ અને માઇન્ડફુલ લર્નિંગને પ્રોત્સાહન આપવાનો હતો.
About the Author
